一袋12個
 
 
識食第二篇 - 鮑魚蝦子麵 VS 蝦子麵
 
是咁的，今日有客人PM問我，究竟有咩好推介？做生意既就當然話咩都好啦，之後就問左我一條問題，仲難過叫醫神揀a餐定b餐…究竟買蝦子麵好定鮑魚蝦子麵好？
 
都係果句…家家有求，個個口味唔同好難同你講邊款好，因為隻隻都咁好食，不過兩款口味的確係有分別。
 
雞有雞味，蝦子麵淥出黎當然有蝦子既鮮味啦，除左蝦子既鮮味之外，我地亦都加左大量提昇鮮味既配料去煲呢個濃湯，做麵既時侯我地就將呢個煲左一日既濃湯倒入麵粉做麵。所以食蝦子麵就會食到濃香、鮮味同彈牙既口感。
 
鮑魚蝦子麵就冇加濃湯，反而就有陣清香既鮑魚味，所以淥完出黎係冇蝦子麵既鹹香，換黎係鮑魚既味道同一樣咁彈牙既口感。
 
 
如果大家最鐘意口味濃既野，蝦子麵的確可以滿足大家既慾望，反之如果大家想要清淡…就可以選擇鮑魚蝦子麵，但係味蕾上既刺激就會少
 
食用方法: 一碗到一碗半水(約400cc) 煲滾後，把麵放入沸水中大約兩分鐘至散開，無需過冷河，連湯放入碗中即可食用
 
成份:高筋小麥粉，鮑魚粉，蝦子，雞蛋，食用鹽，糖，增味劑(621)，色素(102)，酸度調節劑(500,501)